Ein triveleg samlingsstad for grupperleirskulerkonferansararbeidsgrupperorganisasjonar
mellom fjell og fjord.
Eit hus med historie
Jonatunet vart bygd som tuberkulosesanatorium i 1934 og ligg i nasjonalparklandsbyen Jondal, mellom Folgefonna og Hardangerfjorden. Staden er eigd av Hardangerakademiet for fred, utvikling og miljø, og drifta speglar akademiet sine verdiar.
Våre tilbod
Vi tilbyr utleige av ulike typar lokaler med gode fasilitetar for overnatting og matservering, samt vertskap og mange moglegheiter for aktivitetar – perfekt for store eller små konferansar, kurs og seminar, leir eller andre gruppeopphald. I tillegg er Jonatunet heim for Jondal leirskule.
Ønskjer du å leiga?
Vi har hovuddriftssesong frå mars til oktober, men du må gjerne ta kontakt om du er interessert i å leige Jonatunet utanom denne perioden. Last ned vår digitale brosjyre for leige av Jonatunet.
Fasilitetar
Jonatunet tilbyr overnatting for inntil 70 gjestar, matservering, møtefasilitetar og eit varmt, imøtekomande vertskap. Eigedomen har og eit romsleg uteområde.
Matservering
Vi legg stor vekt på gode råvarer. Lokale og/eller økologiske produkt blir nytta der det let seg gjera, og når årstida tillet det får måltida eit ekstra løft med grønsaker og urter frå vår eigen hage.
Aktivitetar
På Jonatunet kan de velja mellom mange flotte aktivitetar – anten til fjells eller på fjorden. Me organiserer gjerne skreddarsydde aktivitetsprogram som er tilpassa opphaldet og ønskja dykkar.
Leirskule
Jondal Leirskule ynskjer fokus på fredleg konflikthandtering, rettferdig utvikling og bærekraftig bruk av naturressursar. Elevane vert utfordra på å utvikle lagbygging, samhald, nærvær og anna viktig meistring gjennom ulike samarbeidsoppgaver.
Galleri
